‘n
Paar uur vanaf Kaapstad en baie naby Arniston (Waenhuiskrans) sal jy
die ou (en
nou verlate en vervalle) vissersdorpie Skipskop vind.
Skipskop was vroeër jare baie gewild, veral
vir sy visvang plekke en asemrowende kusgebied.
Hier kon jy na hartelus visvang.
Die
plaaslike vissersgemeenskap en inwoners moes egter plek maak vir die
ontwikkeling van Denel se Overberg Toetsbaan (OTB) in 1984. Vandag word geen toegang
of visvang meer op Skipskop
toegelaat nie. Die
area word nou deur
die OTB gebruik vir missiel toetse.
Diegene
met goeie herinneringe van Skipskop gedurende sy dae as voorspoedige
vissersdorpie, sal altyd weer teruggeneem word met David Kramer se
liedjie
omtrent Skipskop se mense wat moes oppak en wegtrek van hul geliefde
kusdorpie.
Alhoewel
die aangrensende, De Hoop,
Natuurreservaat besoek
Die
OTB hou gewoonlik jaarliks ‘n opedag waartydens besoekers die
geleentheid kry
om Skipskop te besoek. Vir
party van ons
sal Skipskop altyd ‘n “magical” plek bly,
en miskien is dit die rede waarom
party van die besoekers (meestal oud inwoners en vakansiegangers) jaar
na jaar
terug gaan na Skipskop tydens die OTB opedae.
As
jy ooit die geleentheid kry om Skipskop te besoek, moet dit nie misloop
nie!
Die idee van hierdie webtuiste het ontstaan
weens die gebrek aan informasie en inligting op die internet m.b.t.
Skipskop,
asook die verskeie onbeantwoorde vrae van mense oor die eintlike rede
waarom
Skipskop gedurende die vroeë 1980's gesluit is en die inwoners
hervestig is. My
huidige informasie is gebrekkig en slegs gebaseer op my eie navorsing,
my
besoek as kind aan Skipskop en my besoek gedurende een van die OTB
opedae in
2005. Ek wil ook
graag hiermee poog om
‘n nagedagtenis te bewaar vir oud inwoners en vakansiegangers
van Skipskop.
Ek versoek dus alle besoekers aan hierdie
webtuise wat bekend was met Skipskop, hetsy oud inwoners,
vakansiegangers of
hulle familie en vriende om my asseblief van inligting, stories en
foto’s te
voorsien wat ek hier kan plaas.
Inligting en fotos